7.5 C
Tirana
Wednesday, December 1, 2021
Ballina Lajme Basha e largoi nga kryesimi i degës së Fierit, reagon Baçi: Jam...

Basha e largoi nga kryesimi i degës së Fierit, reagon Baçi: Jam dakord për lëvizje por jo me emërime, të vendosë Kryesia

- Advertisement -

Luan Baçi ka reaguar pas daljes së lajmit se është larguar si Kryetar i Degës së Fierit dhe në vend të tij është emëruar Agron Kapllanaj.

Baçi thotë se nuk ka asnjë lloj njoftimi për këto lëvizje por pranon se ka pasur një takim me Bashën i cili i ka kërkuar që të jepte dakordësinë për komandimin e dikujt tjetër.

Ai shton më tej se ka është dakord që të ketë lëvizje në degë por të vendosë kryesia dhe jo me emërime.

“Nuk kam asnjë lloj njoftimi për shkarkimin apo emërimin e dikujt tjetër. Dje pata një takim me Bashën ku më kërkoi që të jap mbështetjen time për dakordimin komandimin e dikujt tjetër, pa më dhënë asnjë arsye. I thash nuk jap dakordësi në këtë drejtim pasi nuk shikoj ndonjë problematikë te dega demokratike e Fierit, një degë që ka dhënë rezultate të mira.

Unë jam i prirur për lëvizje, për mbajtjen e përgjegjësisë dhe jam i hapur që dega e PD Fier të bëhet më e mirë, me prurje të reja. Por në një situatë të tillë tollovie në anëtarësi, një veprim i tillë është i nxituar. Në mëngjes u ndodha para faktit ku mediat jepnin lajmin për shkarkimin tim dhe emërimin e dikujt tjetër. Mblodha kryesinë për t’i dhënë përgjigje pyetjeve që kishin.

Duhet të ketë ndryshime te kryetarë e degëve dhe më lart, por ndryshimi duhet të vijë në bazë të statutit, me zgjedhje. Nuk jam tifoz as me Bashën as me Berishë, PD është një parti që kryetarët ndërrohen ndërsa unë jam me PD. Unë jam për respektimin e statutit. Lëvizjet brenda PD i bëjnë mirë partisë. Nuk kam marrë pjesë në bërjen e listës së deputetëve.

Mbrëmë më thirri Basha për një takim. Jam kundër procedurës si veprohet dhe si funksionon. Komandimet, emërimet nuk janë asnjëherë rezultative. Unë e mirëpres lënien e vendit të kryetarit të degës, jam pro lëvizjeve, kam dy mandate si kryetar i degës, ka resurse që dega Fier të ketë kryetar të mirë, por kjo del me votën e Kryesisë jo me emërime bërje qokash.

Ky është problemi. Vendimet e pa mbështetura në statut që nuk marrin miratimin e kryesisë, na sjellin çrregullime dhe na çojnë në humbje pas humbje. Keqardhje që ne po merremi me veten tonë pas 25 prillit dhe jo me denoncimin e problemeve në vend. PD ka nevojë për një rithemelim, një ringritje për të qentë fortë përballë një armiku që ne kemi, Edi Ramës”,-tha Baçi

The post Basha e largoi nga kryesimi i degës së Fierit, reagon Baçi: Jam dakord për lëvizje por jo me emërime, të vendosë Kryesia appeared first on Hashtag.al.

- Advertisement -

Most Popular